Ek Guzarish

Priye Bhaiyyo aur Behno,

Yeh toh ham sab jaante aur maante hai ki ek din hame mot ka maza chakhna hai aur isliye ham Khuda (Ishwar) ka waasta de kar aapse kehte hai apne aap ko Azaab (Yaatnao) se bacha lijiye warna aapki madad karne wala koi nahi hoga. na aulaad na rishtedaar na maal-daulat na koi Peer ya Bhagwan jinse aap ummeed rakhte ho aur na koi Devi-Devta. Jo Ghar aap chod kar jayenege who bhi aapka nahi rahega haan aap kuch ache aur bure Karm (Amaal) kar jayenge wahi aapke saath jayenge. Us waqt ki koi dua aur fariyaad bhi qubul nahi hogi. Is liye abhi waqt hai. Aapki Mukti (Nijaat) ka sirf ek raasta hai ki sabse pehle us Ishwar ko ek maan lein aur kisi ko uska saajhi na banaye aur kisi Peer, Peyghamber aadi (Wagherah) ki apne hi haatho se banayee huee Murtiyo ki Puja (Ibadat) na kare. Yahi sandesh Ishwar ne Mahajalplawan wale Manu (Nooh) ke madhyam se Vedo ke dwara diya. Phir yahi peyghaam uske bheje hue 124000 Peyghambaro (Ishduto) ne ham insaano ko diya. Aur yahi peygham 1400 saal pehle aakhri Nabi Muhammad Sallallahu Alaihi Wasallam (Un par Ishwar ki shaanti ho) ke Madhyam (Zariye) se ham sab tak pahucha. Qiyamat (Mahapriley) taka ab koi aur Nabi nahi aayega.

Aziz Bhaiyyo aur behno Ab tak jo beet gaya so beet gaya. Abhi waqt hai ki mot aane se pehle us Ishwar se apne gunaho ki maafi maang lein. Yeh uska wada hai ki “Mein apne bando ke bade se bade gunaho ko maaf kar dunga, Agar woh apni zindagi me sache dil se toba kare. Magar ek gunah (Paap) – Meri satta me kisi ko mera saajhi banana – maaf nahi karunga aur jo aisa karenge unka thikana Nark (Jahannum) hoga, Jisme who hamesha rahenge.” Isliye us par bharosa rakhe kyunki woh bahut rehem karne wala (Dayalu)  hai. Aur apne wade ke khilaaf nahi karta ab samajhdari isi me hai ki ham sab ko jald Sirf ek Ishwar aur uske Ishduto par pura yaqeen rakhte hue apni baaqi umar ko zaaya na kare aur uske ahkaam (Ichchao, Aadesho) par pura pura amal karke us Parmeshwar ko khush karke aakhirat me kaamyaab ho aur Qiyamat aur Nark (Dozaq) ke Azaab se bach kar jannat (Swarg) ke haqdaar ho jaye jaha aaraam hi aaraam hoga aur kabhi mot na aayegi.

Dharm ka arth aur Moksh

'Dharm' ka arth hota hain dharan karna, Moksh arthaat swarg (jannat) me jane ke liye chaar cheezo ka dharan karna aavshyak hain

1. Vishwas: Sarvpratham Ishwar ke astitv par vishwas laana aur uske Ishdooto (Nabiyo), uski kitab, Farishto (Devtao), Bhaagye, swarg, nark, antim din aadi par Vishwas Rakhna

2. Sadkarm (Nek Aamal): Allah (Ishwar) ke bataye anusaar har manushye ke liye prem ki bhaavna rakhna kisi ke saath bhedbhaav chuachoot aadi ka veyvahar na karna aur uske bataye anusaar uski upasna (ibadat) karna Namaz padhna, Roza Rakhna, zakaat dena, hajj karna gharibo ko daan dena bhoko ko khana khilana logo ki bhalaye ke liye karye karna aadi.

3. Satye Batana: Jo bhi Dharm ka Ishwar ka sachcha gyan aap tak pahuch gaya hain use dusro tak pahuchana apne aur dusro ki mukti aur moksh ke liye karye karna

4. Dherye (sabr): Har lamha dherye se kaam lena aur vishwas rakhna ki ishwar acha karenge aur dusro ko bhi dherye ki nasihat karna hamesha sachchai par date rehna

Quran me insaan ke chandrama (Moon) pe pahuchne ka zikr -

“hey  Jino aur Insano ki toliyo! Agar tum samajhte ho ki Aasman aur prithvi (Earth) ke viyaso (Diameters)* me se guzar kar paar nikal sakte ho toh aisa kar dekho atirikt (Extra) bal (Force) ke istemaal ke bina nahi kar sakoge. Ab tum apne Rab ke kin kin vardano (nemato) ko jhutlaye jaoge”

 –Quran  55:33-34

 Shakti aur Vaeg (Force and Velocity) ke niyamo par adharit upkarno (equipments)  ki madad se ek din prithvi  aur anye giraho (Planets) ke gurutwakarshan shetra (Gravitational field)  me se guzarna sambhav hoga, yeh sanket Quran kar chuka tha. Us kaal me jo vahan mojoud the unke atirikt anye vahno ki khoj hogi, yeh bhi Quran  ne bata diya tha –
 “Allah ne ghode, khachchar, ghadhe, tumhare vaahan (Vehicle) aur shobha ke liye peyda kiye aur woh (inke alawa aise vaahan) peyda karega jinka tumhe abhi gyaan nahi hai.”
–Quran 16:8-9

 In vaahano (Vehicles)  par sawaar ho kar chandrama (Moon) par pahuchne ka varnan (details) dekhiye –
“Purn ho jane wala chandrama (Moon)  gawah hai ki tum zaroor is dharti se doosri dharti tak sawaari par sawaar ho kar jaoge. (Yeh chamatkar dekh lene ke baad) Phir inhe ab kya ho gaya ki imaan nahi late.”
-Quran 84:18-20

‘Aur dhyaan dene wali ek baat aur hai ki Quran me chandrama (Moon) ki jo surah hai surah Qamar (Moon) uski pehli aayat se le kar Quran ki aakhri surah Naas ki aakhri aayat tak jitney aayte hai unki tadad 1390 banti hai aur yahi who Islamic saal 1389 Hijri (Roman saal 1969) tha jis saal Neel Armstrong Chanrama (Moon) par pahuncha tha.’
-------------------------------------------------------------------
* sanket (ishara) hai , Gurutvakarshan (Gravity) ki seema (hadd) ki taraf aur prithvi (Earth)  aur anye Giraho (Planets)  ke gol hone ki taraf bhi.
-------------------------------------------------------------------

Ek bodhdhik (dimaghi) niyam:

Jiska astitv na ho usme kisi vastu ko banane ki yogyeta nahi hoti hai: budhdhi is baat ko sweekar hi nahi kar sakti ki jiska koi astitv na ho usme kisi vastu ko banane ki yogyeta ho, budhdhi is baat ko nahi maan sakti ki jiska koi astitv na ho woh kaise dusre ko astitv de sakta hai. Sansaar ki sampoorn veyvastha kisi ke astitv ki suchak hai yadi hum din-pratidin utpann (peyda) hone wali vastu par vichar karein chahe uska sambandh manushyo se ho athwa praniyo se ya vanaspati se isi prakar hawa (air), baarish (rain) aur din aur raat par vichaar kare, surye (sun), chandrama (moon), sitaarein (stars), graho (planets) ki parikrama tatha samast sor mandal (solar system) par ghaur fikr karein isi tarah pal pal hone wale badlaav par vichaar karein toh buddhi ka antim faisla yahi hoga ki yeh sab kadapi (hargiz) kisi aise viyaktitv ki karigari nahi ho sakti jiska astitv hi nahi hai balki ek aisi shakti ke chamatkar hain jo sabka srajan (nirman) karne wala hai aur uska astitv sarvmanye (tasleem shuda) hai ata: pavitr Quran kehta hain:
"Kya yeh log baghair kisi peyda karne wale ke khud ba khud peyda ho gaye hain ya yeh khud apne peyda karne wale hain? Ya unhone aasman aur zameen ko peyda kiya hain? Balki yeh log yaqeen nahi laate."
- Quran 52:35-36